April 28, 2011

Then.. Septembre 2010

I wrote this in September.. Little did I know, that less than 6 months later I would see those same people tumbling one after the other.. I look forward to writing a new one after the regime leaves..


الكهربا قاطعة بالساعات وصورة الريس فى واشنطن سابق الحضور
حكم مدينتى وخالد سعيد وتغيير الساعة أربع مرات عشان السحور
زهرة الخشخاش وبنت البرادعى بالمايو وممدوح سالم فلسع مطرح ما يغور
جمال إبن بار راح مع والده أمريكا وقعد فى الفندق كأنه فى برسيم ربنا طور
نواب القروض ونواب العلاج وقانون الإحتقار وإبراهيم سليمان ولعب فى الدستور
...صفقة الغاز وأراضى ببلاش وإتفاقية وادى النيل وادى إللى يحصل للي يكشف المستور
توشكا عشرين مليار جنيه وشرق العوينات وجراج رمسيس يتبنى دور ويتهد دور
صفر المونديال وعبدة الشيطان وذكى بدر يلطش النائب بالقلم فى مجلس فتحى سرور
مذبحة معبد حتشبسوت وأكياس الدم الفاسدة ومبيدات وكيل الوزارة المغمور
وزير تعليم كل سنتين شيل الثانوية رجع الثانوية صبيان ميكانيكى بتلعب فى موتور
شعبان عبد الرحيم واللمبى وعمرو أديب بقى هو ده شكل الفنان المشهور
عمرو خالد وخالد الراشد ومصطفى بكرى وعادل حمودة ومرتضى منصور
كلاب بلدى تحكى حكايات وتألف تمثيليات وتعمل دوشة وإحنا شعب أهبل مبهور
شعوب العالم على الإنترنت وإحنا لسه بنغسل ونطبخ وندفى الأوضة بالوابور
أدعية وكتب دينية ومحجبات ودقون وأخوان وزبيبة على دماغ كل تور
وناس مكتوبة علينا لا تمشى ولا تموت عزمى والشريف والشاذلى ولقبه الدكتور
ستة ألاف ضحايا الحوادث وعشرة مليون يموتوا يومياً مزنوقين فى المرور
من كتر ما زهقنا بقينا نتمنى أي حمار إنشا لله المتخلف فتحى سرور
بس نرجع ونقول مش كل حاجة خرى على الأقل أهم صغرو الباسبور

No comments:

Post a Comment